O concepto base deste portafolio foi o visionado de películas a pantalla completa. Non é o mesmo ver unha imaxe (ou unha película) dentro dun marco que xa contén elementos gráficos, a visionala a tamaño considerabel onde o ollo se impregna por completo dela. Ese mesmo efecto é o que se tentou conseguir coa formulación estrutural, de tal maneira que destaque o traballo e non o contentor, aínda que á marca dáselle unha presenza constante ao longo de toda a páxina.