É evidente que existe un recoñecemento cada vez maior sobre a importancia dos bosques no futuro sostible do planeta Terra. “A Árbore Viva” é un traballo persoal feito co fin de dar visibilidade a este problema. Preséntase unha proposta a Ecoloxistas en Acción para mellorar a identidade e a comunicación do Día Internacional dos Bosques; Un evento que neste intre non ten gran repercusión mediática, para estes efectos realízanse unha serie de ilustracións tomando como elemento unificador, estético e conceptual ” A árbore como un individuo e como símbolo da natureza”. Desenvólvese un identificador para o Día Internacional dos Bosques e preséntanse diferentes propostas de cartelería e elementos promocionais como flyers , chapas , bolsas e camisetas. O proxecto complétase cun audiovisual promocional inspirado no ciclo da vida nos bosques.