Xurxo naceu un día nunha pequena aldea de Ourense. Durante a súa nenez coidou dun rabaño de ovellas, cazou grilos e pasou días buscando cousas que nunca chegou a atopar. Contra todo prognóstico, tropezou coa Escola de Arte Antonio Faílde. Alí pasou practicamente toda a súa mocidade. Entre outras moitas cousas, ensináronlle a recortar papel charol, roubar revistas en contedores de papel e facer cámaras de fotos con caixas de zapatos. Cando rematou os seus estudos de Deseño e Gráfica Publicitaria, emigrou en busca de traballo á Coruña, a Vigo e a Lalín. Voltou para Ourense e pasou 12 longos anos en Adolfo Dominguez, onde fixo catálogos, libros, invitacións, cartelería, mobles e redeseñou toda a identidade de marca antes de marchar. Dende 2018, traballa pola súa conta para diversos proxectos e clientes.

Recibiu unha bolsa nun concurso polo IED para estudar en Madrid, pero non foi.

Falou en conferencias como o Madinspain ou o Blanc.

Voltou con 40 anos para facer o grao de deseño e ao acabar, empezou ebanistería.

‍

www.xurxobaca.com