VitoManolo Roma (1982), impartirá unha palestra o próximo luns 23 desetembro ás 12:00h na sala de actos da EASD Antonio Faílde especialmente dirixida ao alumnado e profesorado de Ilustración e Deseño Gráfico.

Vito é un artista multidisciplinar italiano cun enfoque profesional orientado á dirección de arte, a ilustración e odeseño gráfico. Vive e exerce a súa actividade desde Milán, Rávena e Basilea. Graduado na Escola Politécnica de Milán, comezou a súa andaina artística e profesional en 2006, desenvolvendo unha linguaxe propia que combina deseño e cultura underground. A súa obra foi exposta en Roma, Milan, Turín, Verona, Lecce, Estambul, Beirut e Nova York.

Podedes consultar os seus interesantes proxectos, tanto de carácter comercial como alternativo na seguinte ligazón: https://vitomanoloroma.it/

Foto: Giovannidi Bruno