Os Premios Josep Albert Mestre a la excelencia en las enseñanzas de Artes Plásticas y Diseño, convocados pola Confederación de Escuelas de Artes Plásticas y Diseño recoñecen anualmente os mellores traballos finais de Ensinanzas Artísticas Profesionais e Ensinanzas Artísticas Superiores de todo o Estado español. A VII Edición, correspondente a 2018, foi organizada pola Escola de Arte e Superior de Deseño Antonio Faílde, por ser gañadora do primeiro premio unha alumna da Escola, Ledicia Veloso, na edición anterior celebrada en Tenerife.

Na presente edición, a EASD Antonio Faílde designou un xurado de excepción, composto por deseñadores galegos/as de recoñecido prestixio a nivel internacional e con experiencia en proxectos de natureza interdisciplinar, que trascende á da súa propia especialidade; Pepe Barro, deseñador gráfico, Sara Coleman deseñadora de moda, Arturo Álvarez, deseñador de produto e Juan Rodriguez, fotógrafo. O día 20 de abril celebrouse cos membros do xurado unha palestra baixo o tema Interdisciplinariedade Proxectual, na que se trataron diversos aspectos de transversalidade interdisciplinar segundo a experiencia dos proprios ponentes e un diálogo co público asistente sobre a dialéctica entre arte e deseño, a xestión de equipos multidisciplinares, etc…

Foron presentadas a este certame máis de 180 proxectos provenentes de escolas de arte e deseño de toda España. Atendendo às bases, realizouse unha selección de 40 propostas proporcional às propostas presentadas; 4 de Ciclos formativos de grao medio, 24 de ciclos formativos de grao superior e 12 de ensinanzas artísticas superiores. Estes 40 traballos forman parte de unha exposición que permanecerá na sede da EASD Antonio Faílde desde o día 4 de maio ao 30 de outubro de 2018. O xurado fallou por unanimidade os seguintes premios; Primeiro Premio na categoría de ciclos formativos de grao medio, Vertebrae de José Luis Alés Bueno da Escola de Arte San Telmo de Málaga, Primeiro Premio na categoría de Ciclos Formativos de Grao Superior, Les Paüls, de Martí Pujol Bonastre da EASD Serra i Abella de l’Hospitalet de Llobregat, Mención de Honor de Ensinanzas Artísticas Superiores, Easy-Tap de Mónica Nájera Soroche, EASD de La Rioja, Logroño e Primeiro Premio da mesma categoría para Earthink de Andrés Ramírez da EASD de les Illes Balears de Palma de Mallorca.

O día 4 de maio procedeuse á inauguración da exposición por parte do Director Xeral de Centros e recursos Humanos da Consellería de Cultura, Educación e Ordenación Universitaria da Xunta de Galicia, José Manuel Pinal e do Presidente da Confederación de Escuelas de Artes Plásticas y Diseño, Eugenio Vega. A continuación deu comezo a gala de entrega de premios presentada e conducida polo actor e director teatral Quico Cadaval e a actuación do grupo de jazz Alfonso Medela Trio.

‍

Premios Mestre 2018

Coordinación: Xosé Manoel González

Xurado: Xosé Barro, Juan Rodríguez, Sara Coleman, Arturo Álvarez

Escenografía: Lucía Rodríguez, Manuel Seoane e Javier Fernández,

Exposición: Manuel Seoane, César Taboada, Javier Fernández e Xosé Manoel González

Colaboradores/as: Olalla Sío, Ofelia Cardo, Marisol Rodríguez, Armando García, Tonho Ferreiro, Josetxo Fernández, José Luis Casas e Virginia Barros,

Comunicación: Olalla Sío

Deseño gráfico: Eugenio Vega e Xosé Manoel González

Motion Graphics e audiovisuais: Olalla Ferrando

Música en gala: Alfonso Medela Trio

Presentador gala: Quico CadavalFotografía, Agostiño Iglesias e Carmen Fernández

Impresión: Rodi, Oficode e Aceroplus

Son e iluminación: Sonorde S.L